கோபிசெட்டிபாளையம், ஈரோடு மாவட்டம் இந்திய தேர்தல் ஆணையத்தின் உத்தரவுப்படி, தமிழகம் முழுவதும் வாக்காளர் பட்டியல் சிறப்பு திருத்த பணிகள் நடைபெற்று வருகிறது. இதன் ஒரு பகுதியாக, ஈரோடு மாவட்டம் 106. கோபிசெட்டிபாளையம் சட்டமன்ற தொகுதியில் வாக்காளர் சிறப்பு முகாம் நடைபெற்றது இந்த முகாமில் வாக்காளர் பட்டியலில் புதிய பெயர் சேர்த்தல், நீக்குதல், திருத்தம் செய்தல் மற்றும் முகவரி மாற்றம் உள்ளிட்ட பணிகளுக்கான மனுக்கள் பெறப்பட்டன இந்த சிறப்பு முகாமை கோபி வருவாய் கோட்டாட்சியர் (பொறுப்பு) வி.ரமேஷ் நேரில் சென்று பார்வையிட்டு ஆய்வு செய்தார். அப்போது பெறப்பட்ட மனுக்களை ஆய்வு செய்த அவர், வாக்காளர் பதிவு அலுவலர்களுக்கு தேவையான அறிவுரைகளை வழங்கினார் பொதுமக்களிடம் இருந்து பெறப்படும் விண்ணப்பங்களை உடனடியாக பரிசீலித்து நடவடிக்கை எடுக்குமாறு அவர் அறிவுறுத்தினார் இந்த ஆய்வின் போது,கோபி வட்டாட்சியர் கு.குமரேசன் மற்றும் நம்பியூர் வட்டாட்சியர் எஸ். தியாகராஜ் ஆகியோர் உடனிருந்தனர் மேலும், வாக்குச்சாவடி நிலை அலுவலர்கள் (BLO) மற்றும் பொதுமக்கள் பலர் இந்த முகாமில் கலந்து கொண்டு பயனடைந்தனர்.